DÖVLƏT DƏSTƏYİ BÖLGƏLƏRDƏ HEYVANDARLIĞIN İNKİŞAFINA GÜCLÜ TƏKAN VERİR
Zərdab Rayon İcra Hakimiyyəti başçısının aqrar məsələlər üzrə müavini Tofiq Abdullayev AZƏRTAC-ın müxbirinə demişdir ki, regionların sosial-iqtisadi inkişafı Dövlət Proqramı qəbul olunduqdan sonra bölgədə təsərrüfatın digər sahələri kimi heyvandarlıq da əsaslı surətdə inkişaf edir. Təkcə cari yarımillikdə iribuynuzlu qaramalın sayı 1030 baş artaraq 49 min 207 başa, davarların sayı 8 min 275 baş artaraq 96 min 335 başa çatmışdır. Heyvandarlığın inkişafı heyvandarlıq məhsulları istehsalının, nəticə etibarilə bazarda bolluğun yaranmasına şərait yaradır. Yarımildə rayonda süd istehsalı ötən ilin müvafiq dövründəkindən 2min 852 ton, yumurta istehsalı 15 min ədəd, yun istehsalı 3 ton artıq olmuşdur.
Bölmənin digər xəbərləri
