Bakı, 17 mart, AZƏRTAC

Azərbaycan Prezidenti İlham Əliyev martın 16-da Dövlət Miqrasiya Xidməti əməkdaşlarının təltif edilməsi ilə bağlı sərəncamlar imzalayıb.

AZƏRTAC xəbər verir ki, sərəncamlara əsasən, Dövlət Miqrasiya Xidməti rəisinin birinci müavini Vəli Nağıyevə III dərəcəli dövlət miqrasiya xidməti müşaviri ali xüsusi rütbəsi verilib.

Həmçinin miqrasiya orqanlarında qulluqda fərqləndiklərinə və səmərəli fəaliyyət göstərdiklərinə görə Xidmətin 8 əməkdaşı “Miqrasiya orqanlarında qulluqda fərqlənməyə görə” medalı ilə təltif olunub.