Dövlət Uşaq Filarmoniyasının növbəti konserti Horadizdə olacaq
Bakı, 19 may, AZƏRTAC
Mayın 23-də Mədəniyyət Nazirliyinin dəstəyi və Azərbaycan Dövlət Uşaq Filarmoniyasının təşkilatçılığı ilə Füzuli rayon, Horadiz şəhərində “El bilir ki, sən mənimsən” adlı növbəti konsert keçiriləcək.
Filarmoniyanın mətbuat xidmətindən AZƏRTAC-a verilən məlumata görə, konsert proqramı Azərbaycan xalqının Ümummilli Lideri Heydər Əliyevin anadan olmasının 100 illiyi çərçivəsində təşkil olunacaq.
Qeyd edək ki, konsertdə Dövlət Uşaq Filarmoniyasının nəzdində fəaliyyət göstərən “Şəms” uşaq xoru, vokal sinfi, müxtəlif yaş qruplarından ibarət rəqs kollektivi, “Sədəf” xalq çalğı alətləri ansamblının solistləri maraqlı musiqi nömrələri ilə çıxış edəcəklər.
Bölmənin digər xəbərləri
