Drezdendə 20 Yanvar şəhidlərinin xatirəsi anılacaqdır
Bakı, 20 yanvar (AZƏRTAC). Yanvarın 19-da Almaniyanın Drezden şəhərində “Alm.az” Cəmiyyətinin təşkilatçılığı ilə 20 Yanvar faciəsinin 23-cü ildönümünə həsr olunmuş anım mərasimi keçiriləcəkdir.
Diasporla İş üzrə Dövlət Komitəsindən AZƏRTAC-a bildirmişlər ki, tədbirdə soydaşlarımızla yanaşı, alman ictimaiyyətinin nümayəndələri, o cümlədən Saksoniya parlamentinin deputatları, Drezdendə fəaliyyət göstərən Çexiya, Macarıstan konsulluqlarının, rus, yəhudi, ukrayna, qazax icmalarının təmsilçiləri iştirak edəcəklər.
Tədbir çərçivəsində “Alm.az” Cəmiyyətinin sədri Ağahüseyn Babayev keçmiş SSRİ rəhbərliyi tərəfindən Azərbaycan xalqına qarşı törədilmiş bu amansız cinayət barədə məlumat verəcəkdir.
Sonra iştirakçılar 20 Yanvar hadisələrindən bəhs edən fotoşəkillərdən ibarət sərgi ilə tanış olacaq və sənədli filmə baxacaqlar.
Bölmənin digər xəbərləri
