DÜNYA AZƏRBAYCANLILARI ZİYALILARININ FORUMU KEÇİRİLƏCƏK
Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a bildirmişlər ki, tədbirdə diaspor işinin gücləndirilməsi, müxtəlif ölkələrdə məskunlaşmış soydaşlarımızın əlaqələrinin genişləndirilməsi, türk və Azərbaycan icmalarının birgə fəaliyyətlərinin təşkili məsələləri müzakirə ediləcəkdir. Forumda Azərbaycan Prezidenti İlham Əliyevə müraciət qəbul ediləcəkdir.
Dövlət Komitəsindən onu da bildirmişlər ki, diaspor işinin gücləndirilməsi məsələsi Azərbaycan və türk icmaları nümayəndələrinin forum çərçivəsində keçirəcəyi görüşlərdə də müzakirə ediləcək və bu sahədə əməkdaşlığa dair sənəd imzalanacaqdır.
Forum iyunun 10-da işini başa çatdıracaqdır.
Bölmənin digər xəbərləri
