DÜNYASINI DƏYİŞƏNLƏRİN ŞƏXSİYYƏTİ MÜƏYYƏNLƏŞDİRİLİR
AZƏRTAC-ın müxbiri xəbər verir ki, avqustun 16-da Bakı-Quba yolunun 138-ci kilometrində, Dəvəçi rayonunun Gəndab kəndi yaxınlığında baş vermiş yol qəzası nəticəsində ağır bədən xəsarəti almış beş nəfərin üçü Bakıya, M.Nağıyev adına kliniki Təcili Tibbi Yardım xəstəxanasına gətirilmişdir. “Ford” markalı mikroavtobusla “Kamaz”ın toqquşması nəticəsində həlak olmuş 14 sərnişindən dördünün şəxsiyyəti müəyyənləşdirilmişdir. Ölənlərin ikisi Sumqayıt, biri Tərtər, biri də Sabirabad sakinidir. Bu istiqamətdə araşdırma davam etdirilir.
Bölmənin digər xəbərləri
