“Edigey” haqqında dastanın versiya və variantları” monoqrafiyası nəşr olunub
Bakı, 9 iyul, AZƏRTAC
Azərbaycan Milli Elmlər Akademiyası (AMEA) Folklor İnstitutunun Türk xalqları folkloru şöbəsinin böyük elmi işçisi, filologiya üzrə fəlsəfə doktoru Qumru Şəhriyarın “Edigey” haqqında dastanın versiya və variantları” monoqrafiyası çapdan çıxıb.
İnstitutdan AZƏRTAC-a bildirilib ki, Orta Asiya türkləri arasında tarixi şəxsiyyət kimi xüsusi yer tutan Edigeyə həsr olunmuş eyniadlı dastanın monoqrafik tədqiqatı Azərbaycan oxucusu üçün yenidir. Türk xalqları arasında dastanın səksəndən çox variantı qeydə alınıb və bu monoqrafiyada onların hər biri haqqında biblioqrafik məlumat verilib. Monoqrafiyada dastanın altmışdan çox versiya və variantlarından geniş söz açılıb.
Kitabın elmi redaktoru filologiya elmləri doktoru, professor Əfzələddin Əsgər, rəyçiləri isə filologiya elmləri doktoru, professor Almaz Həsənqızı və filologiya üzrə fəlsəfə doktoru, dosent Səkinə Qaybalıyevadır.
Bölmənin digər xəbərləri
