ƏDLİYYƏ NAZİRİ İRANIN ÖLKƏMİZDƏKİ SƏFİRİ İLƏ GÖRÜŞMÜŞDÜR
Ölkələrimizin dostluq əlaqələrinin, o cümlədən hüquqi sahədə əməkdaşlığın uğurla inkişaf etdiyini bildirən nazir, ötən il İran ədliyyə nazirinin dəvəti ilə Tehrana səfərini və keçirilmiş faydalı görüşləri xatırlatmış, Azərbaycan xalqının ümummilli lideri Heydər Əliyevin 2002-ci ildə İrana səfərinin dövlətlərimiz arasında münasibətlərin inkişafında yeni mərhələ təşkil etdiyini, İranda keçirdiyi görüşlər zamanı bu səfərin tarixi əhəmiyyətinin bilavasitə şahidi olduğunu bildirmişdir.
Görüşdə dövlətlərimiz arasında bağlanmış hüquqi yardım, məhkumların verilməsi və ekstradisiya haqqında müqavilələrin icrası üzrə tədbirlərə toxunulmuş, İranın ədliyyə naziri Məhəmmədismayıl Şüştərinin cari ilin iyun ayında Azərbaycana səfərinin yüksək səviyyədə təşkili və onun respublikamızın Prezidenti İlham Əliyev tərəfindən qəbulu yüksək dəyərləndirilmişdir. Həmçinin, səfər çərçivəsində ölkələrimizin ədliyyə nazirlikləri arasında imzalanmış əməkdaşlıq haqqında anlaşma Memorandumunun dövlətimizin başçısı tərəfindən sentyabr ayında təsdiq olunması məmnuniyyətlə qeyd edilmişdir.
Səmimi qəbula və faydalı fikir mübadiləsinə görə minnətdarlığını bildirən səfir ölkəmizdən ən xoş hisslərlə ayrıldığını vurğulamışdır.
Bölmənin digər xəbərləri
