EHTİYATDA OLAN VƏ İSTEFAYA BURAXILMIŞ HƏRBİ QULLUQÇULAR BƏLƏDİYYƏLƏRDƏN PULSUZ TORPAQ ALA BİLƏCƏKLƏR
İclasda “Hərbi xidmətkeçmə haqqında” Əsasnaməyə əlavələr edilməsi haqqında” qanun layihəsi müzakirə olunmuşdur.
Milli Məclis sədrinin müavini, komissiyanın sədri Ziyafət Əsgərov demişdir ki, Azərbaycan Prezidentinin qanunvericilik təşəbbüsü ilə parlamentə göndərdiyi bu qanun layihəsində ehtiyatda olan və istefaya buraxılmış, azı 15 təqvim ili hərbi xidmət keçmiş zabit, gizir və miçmanlara fərdi ev tikmək üçün bələdiyyələrdən pulsuz torpaq sahəsinin verilməsi nəzərdə tutulur.
Müzakirələr zamanı deputatlar Prezidentin bu humanist addmını yüksək, orduya göstərilən xüsusi diqqətin təzahürü kimi qiymətləndirmişlər.
Sonda layihəni Milli Məclisin müzakirəsinə çıxarmaq qərara alınmışdır.
Bölmənin digər xəbərləri
