“Ekol Mühəndislik Xidmətləri” QSC “Bakı Ağ Şəhər” layihəsi üzrə işləri uğurla davam etdirir
Bakı, 6 mart (AZƏRTAC). “Ekol Mühəndislik Xidmətləri” QSC 2010-cu ildən başlayaraq “Bakı Ağ Şəhər” layihəsinin icrasına qoşulmuşdur. Bu nəhəng layihənin iştirakçısı olaraq QSC “Yaşıl ada” ərazisinin köhnəlmiş neft sənaye obyektlərindən neft şlamının çıxarılması, anbarlaşdırılması və ərazidəki neftlə çirklənmiş torpaqların təmizlənməsi işlərini yerinə yetirir.
QSC-dən AZƏRTAC-a bildirmişlər ki, fəaliyyətə başladığı müddətdən qurum layihənin fasiləsizliyini təmin etmiş, nəzərdə tutulan işləri vaxtında və keyfiyyətlə yerinə yetirmişdir. Əvvəlcə ərazidən 26 min kubmetrdən çox neft şlamı çıxarılaraq anbarlaşdırılmış, 2012-ci ilin yanvar ayınadək ərazidən 778 min kubmetrdən çox neftlə çirklənmiş torpaq çıxarılaraq poliqona daşınmışdır.
Cari ilin yanvar-fevral aylarında layihə ərazisindən 57 min kubmetrdən çox neftlə çirklənmiş torpaq çıxarılmışdır. Ümumilikdə, icra müddətində ərazidən 835 min kubmetr çirkli torpaq çıxarılmış, 15 hektaradək sahə təmizlənmişdir.
Bölmənin digər xəbərləri
