“Ekologiyasız həyat yoxdur” layihəsi çərçivəsində gənclər ekskursiyada olublar
Bakı, 30 sentyabr (AZƏRTAC). Yeni Azərbaycan Partiyası (YAP) Gənclər Birliyinin ofisində “ Ekologiyasız həyat yoxdur” layihəsi davam etdirilir.Gənclər Birliyindən AZƏRTAC-a verilən məlumata görə, layihə iştirakçıları bu dəfə Mərdəkandakı Dendrologiya İnstitutunda və Balaxanı Bərk Məişət Tullantılarının Çeşidlənməsi Zavodunda ekskursiyada olublar. Ekskursiyada gənclərə ekoloji mühit barədə ətraflı məlumat verilib və onların sualları cavablandırılıb.
Layihə “Azərbaycan-2020: gələcəyə baxış” İnkişaf Konsepsiyasının 11-ci bəndindəki “Ətraf mühitin qorunması və ekologiya məsələləri” bölməsini əsas tutaraq icra edilir. YAP Gənclər Birliyi sentyabr ayını “Ekologiya ayı” elan edərək, bu istiqamətdə tədbirlər keçirir. Layihə çərçivəsində indiyədək gənclər üçün seminarlar və ekologiya ilə bağlı olan məkanlara ekskursiyalar təşkil edilib.
Bölmənin digər xəbərləri
