Ekspert AFR iqtisadiyyatının inkişafını proqnozlaşdırır
Berlin, 9 sentyabr, AZƏRTAC
Əhali tərəfindən məhsul və xidmətlərin istehlakı 2019-cu ildə milli iqtisadiyyatın inkişafında mühüm amillərdən biridir.
AZƏRTAC xəbər verir ki, bu barədə “Berliner Zeitung” qəzetinin bugünkü nömrəsində analitik Andreas Villems yazır.
AFR-də işsizliyin aşağı səviyyəsi, istehlak xərclərinin və xidmətlərin yüksək səviyyəsi mənfi amillərin qarşısını gözləndiyindən daha səmərəli ala bilməz. İnvestisiya artımının ötən ilin nəzərəçarpan nəticələrindən sonra inkişaf sürəti azala bilər. Lakin bununla yanaşı, 8-12 faiz civarında kifayət qədər yüksək qalması tam mümkündür.
Bununla belə, ekspertin sözlərinə görə, AFR-in sənaye sektorunda Avropa iqtisadiyyatı üzrə obyektiv göstəricilərə əsaslanan mənfi gözləntiləri nəzərə almaq lazımdır. Andreas Villems amillərin məcmusuna görə cari ildə Almaniya iqtisadiyyatının artımının 3,1 faiz səviyyəsində olacağını proqnozlaşdırır. Lakin artım daha da nəzərəçarpan ola bilər.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
