EKSPERTLƏR BAKI-ƏRZURUM QAZ KƏMƏRİNDƏN GÜRCÜSTANA ƏLAVƏ QAZ AYRILMASI TƏKLİFİNİ MÜZAKİRƏ EDİRLƏR
AZƏRTAC-ın xüsusi müxbiri xəbər verir ki, Azərbaycan, Türkiyə və Gürcüstan ekspertləri Bakı-Ərzurum qaz kəmərindən Gürcüstan üçün əlavə qaz ayrılmasına dair Tbilisinin təklifini müzakirə etmişlər. Müzakirələrin nəticələri hər üç dövlətin hökumətlərinə təqdim olunacaqdır.
Gürcüstan Energetika Nazirliyinin məlumatına görə, Baş nazir Zurab Noğaideli bu məsələni Azərbaycana və Türkiyəyə planlaşdırılmış səfəri zamanı da müzakirə edəcəkdir. Bildirilir ki, son qərar Azərbaycan, Türkiyə və Gürcüstan prezidentlərinin iyulun 13-də Ceyhanda nəzərdə tutulan görüşü zamanı veriləcəkdir.
Bölmənin digər xəbərləri
