Elçin Məcidov: Mədənçilik sahəsində Türkiyə qanunvericiliyi öyrəniləcək
Bakı, 27 oktyabr, AZƏRTAC
Türkiyə Respublikası Energetika və Təbii Sərvətlər Nazirliyinin Mədən və Neft İşləri Baş İdarəsi ilə Azərbaycan Respublikası Ekologiya və Təbii Sərvətlər Nazirliyinin Dövlət Mineral Xammal Ehtiyatlarından İstifadə Agentliyi arasında imzalanan niyyət protokolunun əsas məqsədi Türkiyə qanunvericiliyinin öyrənilməsi, dağ mədən sənayesində icazələrin verilməsi formaları, həmçinin digər sahələrdə əməkdaşlığın qurulması ilə bağlıdır. Qardaş Türkiyənin bu sahədə böyük təcrübəsi var. Həmçinin Türkiyədə istifadə olunan e-mədən portalı barəsində də təcrübələrin paylaşılması hədəflənir. Düşünürük ki, təcrübə mübadiləsi Azərbaycanda bu sahənin inkişaf etməsinə zəmin yaradacaq.
Dövlət Mineral Xammal Ehtiyatlarından İstifadə Agentliyinin İdarə Heyətinin sədr müavini Elçin Məcidov AZƏRTAC-a açıqlamasında deyib.
E.Məcidov bildirib ki, protokolun ilkin mərhələsində məqsəd qarşılıqlı məlumat mübadiləsinin və mövcud qanunvericiliklərin, təlimatların öyrənilməsidir. Müəyyən proseslər tamamlandıqdan sonra əməkdaşlığın daha da genişləndirilməsi, anlaşma memorandumunun imzalanması ilə bağlı işlər aparıla bilər.
Bölmənin digər xəbərləri
