“ELEKTRON HÖKUMƏT” LAYİHƏSİ İLƏ BAĞLI SEMİNAR KEÇİRİLMİŞDİR
Rabitə və İnformasiya Texnologiyaları Nazirliyi (RİTN) IBM şirkəti ilə birgə iyunun 27-də “elektron hökumət” layihəsinə dair seminar keçirmişdir.
Nazirlikdən AZƏRTAC-a bildirmişlər ki, dövlət sektorunun informasiya texnologiyaları üzrə mütəxəssislərinin iştirak etdikləri seminarda layihənin həyata keçirilməsi üçün yeni həllər və texnologiyalar barədə məlumat verilmişdir.
Ən iri informasiya texnologiyaları şirkətlərindən olan IBM “elektron hökumət” sistemi üzrə həllərin təqdim olunmasına dair təcrübəyə malikdir. Bu qurum dünya üzrə bir çox hökumətlərlə, xüsusilə ABŞ ilə sıx əməkdaşlıq edir.
Bölmənin digər xəbərləri
