ELMİ ƏSƏRLƏRİN NÖVBƏTİ BURAXILIŞI ÇAPDAN ÇIXMIŞDIR
“Milli Elmlər Akademiyası Geologiya İnstitutunun Əsərləri”nin növbəti buraxılışı çapdan çıxmışdır. Nəşrin baş redaktorunun müavini, geologiya-mineralogiya elmləri doktoru Adil Əliyev AZƏRTAC-ın müxbirinə bildirmişdir ki, “Əsərlər”in hazırkı buraxılışında Azərbaycan ərazisinin seysmikliyi, palçıq vulkanizminin zəlzələlərlə genetik əlaqəsi məsələləri araşdırılmışdır. Topluda Xəzər neftli-qazlı hövzəsində karbohidrogen törəmələri ocaqları, neft və qaz yataqlarının təsnifatı, filiz yataqlarının geokimyası barədə yeni məlumatlar, geofiziki regional paleontoloji və geodinamik tədqiqatların nəticələri verilmişdir.
Bölmənin digər xəbərləri
