ELMİ TƏDQİQAT AĞCİYƏR XƏSTƏLİKLƏRİ İNSTİTUTU İLƏ TANIŞLIQ
AZƏRTAC xəbər verir ki, Gürcüstan Prezidentinin xanımı Sandra Elizabet Rulofs martın 21-də Azərbaycan Səhiyyə Nazirliyinin Elmi Tədqiqat Ağciyər Xəstəlikləri İnstitutunda olmuşdur.
İnstitutun əməkdaşları qonağı gül-çiçəklə qarşıladılar. Səhiyyə naziri Əli İnsanov institutun fəaliyyətindən, burada aparılan tədqiqatlardan danışdı.
Qonaq bir sıra diaqnostika və laboratoriya otaqlarına baxdı. Nazir vərəmlə mübarizədə ölkəmizin qazandığı nailiyyətlər, həyata keçirilən bir sıra beynəlxalq layihələr barədə məlumat verdi və bildirdi ki, hazırda Azərbaycanda vərəmlə xəstələnmə halları digər MDB dövlətləri ilə müqayisədə daha ciddi nəzarət altındadır. O dedi ki, bu təhlükəli xəstəliyin profilaktikası və onunla mübarizə sahəsində Azərbaycanın təcrübəsi Tbilisi Ftiziatriya İnstitutunun öz fəaliyyətinə yenidən başlamasında faydalı olardı.
Əli İnsanov Azərbaycan alimlərinin ftiziatriya və pulmonologiya sahəsində elmi əsərlərini qonağa hədiyyə etdi.
Bölmənin digər xəbərləri
