ƏMƏK VƏ ƏHALİNİN SOSİAL MÜDAFİƏSİ NAZİRİNİN TÜRKİYƏYƏ SƏFƏRİ DAVAM EDİR
Elə həmin gün universitetin konfrans zalında nazir Əli Nağıyevin burada təhsil alan tələbələrlə görüşü olmuşdur. Görüşü universitetin rektoru Təhsin Kəsici açmışdır. Daha sonra Türkiyənin əmək və sosial müdafiə naziri Murad Başəskioğlu Azərbaycan ilə Türkiyə arasındakı əməkdaşlıq və strateji tərəfdaşlıq əlaqələrinin inkişaf perspektivləri barədə söhbət açmış, hazırki münasibətlərimizi yüksək qiymətləndirmişdir. Nazir Əli Nağıyev son bir əsr ərzində Azərbaycan tarixi haqqında məlumat verərək, ölkəmizdəki siyasi, iqtisadi dəyişikliklər barədə danışmışdır. Əli Nağıyevin Ermənistan-Azərbaycan, Dağlıq Qarabağ münaqişəsinin kökləri və nəticələri barədə müfəssəl məlumatı tədbir iştirakçıları tərəfindən maraqla dinlənilmişdir.
Ümummilli liderimiz, Türk dünyasının görkəmli siyasi xadimi Heydər Əliyevin xalqlarımızın gələcəyi naminə misilsiz fəaliyyətlərindən ətraflı söhbət açan nazir, məhz bu dahi şəxsin təşəbbüsü və əməli işi nəticəsində əsrin layihələri olan Bakı-Tbilisi-Ceyhan neft, Bakı-Tbilisi-Ərzurum qaz ixrac kəmərlərinin reallığa çevrildiyini tutarlı faktlarla əsaslandırmış, Azərbaycan Prezidenti İlham Əliyevin ulu öndərimizin müdrik və alternativsiz siyasi xəttini layiqincə davam etdirdiyini xüsusi vurğulamışdır.
Səfər davam edir.
Bölmənin digər xəbərləri
