ƏN YAXŞI İNŞA MÜSABİQƏSİ
“Ümidli gələcək” gənclər təşkilatı və BMT-nin Qadınların inkişafı fondu Azərbaycan Təhsil Nazirliyinin köməyi ilə 12-17 yaşlı məktəblilər arasında “Əgər mən sülh elçisi olsaydım...” mövzusunda ən yaxşı inşa müsabiqəsi təşkil edir. Layihə ölkənin bütün orta məktəbləri arasında 3 ay ərzində üç mərhələdə həyata keçiriləcəkdir. Regionlarda keçiriləcək ilk iki mərhələnin nəticələrini məktəb müəllimləri və rayon təhsil şöbələri tərəfindən müəyyənləşdiriləcək münsiflər heyəti qiymətləndirəcəkdir. Müsabiqənin Bakıda keçiriləcək yekun mərhələsinə 20 iş seçiləcəkdir. Qaliblərə diplomlar və qiymətli hədiyyələr təqdim olunacaqdır.
Azərbaycan məktəblilərinin inşa işləri Cənubi Qafqazın digər ölkələrindən olan məktəblilərin eyni mövzulu inşa işləri toplusunda dərc olunacaqdır. Toplunun qaliblərə, kitabxanalara və müxtəlif təşkilatlara pulsuz veriləcəyi nəzərdə tutulur.
Bölmənin digər xəbərləri
