Ermənistanda koronavirusa yoluxanların sayı 37 minə yaxınlaşır
Tbilisi, 24 iyul, AZƏRTAC
Ermənistanda koronavirusa yoluxanların və pandemiya qurbanlarının sayı yenidən artıb.
Son 24 saat ərzində Ermənistanda daha 451 nəfərdə koronavirus aşkarlanıb.
AZƏRTAC xəbər verir ki, bu barədə Ermənistan Səhiyyə Nazirliyinin Xəstəliklərə Nəzarət və Profilaktikası Milli Mərkəzi məlumat yayıb.
Bildirilir ki, bununla da Ermənistanda bu virusa yoluxanların sayı 36 min 613 nəfərə çatıb.
Ölkədə pandemiyadan ölənlərin sayı 692 nəfərə çatıb, bunların da 4-ü son sutka ərzində dünyasını dəyişib.
Hazırda Ermənistanda 9 min 969 aktiv koronavirus xəstəsinin olduğu bildirilir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
