Ermənistanda koronavirusa yoluxanların sayı 42 min 616 nəfərə çatıb
Tbilisi, 22 avqust, AZƏRTAC
Ermənistanda koronavirusa yoluxanların sayı 42 min 616 nəfərə çatıb. Onların da 139-u son 24 saat ərzində yoluxub.
AZƏRTAC xəbər verir ki, bu barədə Ermənistan Səhiyyə Nazirliyinin Xəstəliklərə Nəzarət və onların Profilaktikası Milli Mərkəzi məlumat yayıb.
Bildirilir ki, ölkədə pandemiya qurbanlarının sayı da daha 8 nəfər artaraq 850 nəfərə çatıb.
Bundan başqa, daha 254 koronavirus xəstəsi başqa səbəblərdən dünyasını dəyişib.
Bildirilir ki, hazırda Ermənistanda 5 min 859 aktiv koronavirus xəstəsi var.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
