Ermənistanda koronavirusa yoluxanların sayı 42 minə çatır
Tbilisi, 18 avqust, AZƏRTAC
Ermənistanda koronavirusa yoluxanların sayı 42 minə çatır. Son sutka ərzində ölkədə daha 145 nəfərdə koronavirus aşkarlanıb.
AZƏRTAC xəbər verir ki, bu barədə ölkənin səhiyyə nazirliyinin xəstəliklərə nəzarət və profilaktikası milli mərkəzi məlumat yayıb.
Bildirilir ki, bununla da Ermənistanda virusa yoluxanların sayı 41 min 845 nəfər olub.
Qeyd olunub ki, ölkədə pandemiya qurbanlarının sayı da daha 8 nəfər artaraq 832-yə yüksəlib.
Bundan başqa, daha 245 koronavirus xəstəsinin başqa səbəblərdən öldüyü bildirilir.
Hazırda Ermənistanda 5 min 787 aktiv koronavirus xəstəsi var.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
