Ermənistanın minalanmış ərazilərin xəritəsini Azərbaycana verməməsi təmizləmə işlərini çətinləşdirir
Füzuli, 31 mart, A.Yavərzadə, AZƏRTAC
Erməni işğalından azad olunmuş ərazilərin indiyədək 3 milyon 600 min kvadratmetrdən çox ərazisi minalardan təmizlənib.
Bu barədə AZƏRTAC-ın bölgə müxbirinə Azərbaycan Respublikasının Minatəmizləmə Agentliyi (ANAMA) Horadiz inzibati mərkəzinin təmizləmə qrupunun əməliyyat meneceri Mədət Məmmədov məlumat verib.
Onun sözlərinə görə, azad olunmuş ərazilərdə bu günədək 4224 ədəd piyada əleyhinə, 1181 ədəd tank əleyhinə mina, həmçinin 2064 ədəd partladıcı, 300 ədəd bombacıq aşkarlanıb.
Minatəmizləmə əməliyyatları davam edir.
Mədət Məmmədov, həmçinin qeyd edib ki, Ermənistanın minalanmış ərazilərin xəritəsini Azərbaycana verməməsi təmizləmə işlərini çətinləşdirir.
Bölmənin digər xəbərləri
