Estoniya ölkədəki ən iri bankla həmişəlik vidalaşıb
Tallinn, 1 oktyabr, AZƏRTAC
Danimarkanın ən iri banklarından olan “Danske” Estoniyadakı fəaliyyətini 2 il davam edən maliyyə qalmaqalından sonra oktyabrın 1-də dayandırıb.
AZƏRTAC xəbər verir ki, Estoniyanın maliyyə tarixində ən böyük maliyyə qalmaqalına imza atmış bank barədə qərar cari ilin fevralında verilib. Oktyabrın 1-dən isə bu qərar qüvvəyə minib və bankın bütün nişanları ölkə ərazisindən yığışdırılmağa başlayıb.
Ötən il “Danske” bankı Estoniyadakı filialı tərəfindən 220 milyard dollar vəsaitin eston rezidenti və ya vətəndaşı olmayan şəxslərin hesabına axıdıldığı faktı açıqlanıb. Bir neçə gün əvvəl isə bankın Estoniya təmsilçiliyinin rəhbərinin cəsədi yaşadığı evin bağçasından tapılıb.
Aygün Əliyeva
AZƏRTAC-ın xüsusi müxbiri
Tallinn
Bölmənin digər xəbərləri
