Estoniyanın hakim partiyasının reytinqi rekord həddə aşağı düşüb
Bakı, 10 iyul, AZƏRTAC
Yaxın vaxtlarda Avropa diplomatiyasının rəhbəri postunu tutacaq Estoniyanın Baş naziri Kaja Kallasın hakim İslahatlar partiyasının reytinqi son 10 gün ərzində ən aşağı səviyyəyə – 16,3 faizə enib.
AZƏRTAC xəbər verir ki, ERR dövlət televiziya və radio portalı bu barədə “Norstat” sosiologiya xidmətinə istinadla məlumat yayıb.
Məlumata görə, Kaja Kallasın rəhbərlik etdiyi partiyanın reytinqi 0,9 faiz azalaraq 2019-cu ildən bəri ən aşağı səviyyəyə enib. Müxalif mühafizəkar Vətən partiyasına dəstək isə əksinə, 1,1 faiz artaraq rekord həddə - 30,8 faizə yüksəlib. Respondentlərin 35,4 faizi islahatçılardan ibarət “Eesti 200” hakim koalisiyanı və Estoniya Sosial Demokrat partiyasını dəstəkləyib. Parlamentin müxalif gücləri - Vətən partiyası, Mühafizəkar Xalq partiyası və Mərkəz partiyası vətəndaşların 55,9 faizinin etimadını qazanmağa müvəffəq olub.
Qeyd edək ki, bu məlumatlar iyunun 3-dən 5-dək 18 yaşdan yuxarı 4 minə yaxın vətəndaşın iştirakı ilə keçirilən həftəlik ictimai rəy sorğularının nəticələrinə əsaslanır.
Bölmənin digər xəbərləri
