Estoniyanın Kohtla-Yarve şəhərində axtarış-xilasetmə qrupu koronavirusa yoluxub
Tallinn, 20 avqust, AZƏRTAC
Həftə sonu Estoniyanın Kohtla-Yarve şəhərində axtarış-xilasetmə qrupunun əməkdaşlarından COVID-19 üçün götürülən analiz nümunələrinin nəticəsi müsbət çıxıb.
AZƏRTAC ölkənin Xilasetmə Departamentinin yaydığı məlumata əsasən xəbər verir ki, Kohtla-Yarve şəhərinin axtarış-xilasetmə məntəqəsi bağlanıb və dezinfeksiya edilib.
Bildirilib ki, yoluxmuş şəxslə təmasda olan digər xilasedicilər də test analizindən keçib. Onların koronavirus testi isə mənfi nəticə verib. Axtarış-xilasetmə qrupunun Kohtla-Yarve şəhərindəki şöbəsi gələn həftə təkrar veriləcək test analizlərinin nəticələri müəyyənləşənədək bağlı qalacaq.
Departamentdən bildirilib ki, bölgədə xilasetmə xidmətləri əvvəlki qaydada göstəriləcək. Belə ki, köməyə Yıxvi şəhərinin axtarış-xilasetmə qrupu gələcək.
Asiman Əsədov
AZƏRTAC-ın xüsusi müxbiri
Tallinn
Bölmənin digər xəbərləri
