FERMERLƏRƏ DAMAZLIQ QARAMAL VERİLİR
Samux, 28 fevral (AZƏRTAC). Respublika ərazisində maldarlığı inkişaf etdirmək, əhalinin ət və süd məhsullarına tələbatını ödəmək məqsədilə ölkə başçısının göstərişinə əsasən, Almaniyadan gətirilən cins mal-qaranın güzəştli şərtlərlə fermerlərə paylanması prosesinə başlanmışdır. Çəkisindən asılı olaraq 2700-4000 manat dəyərində olan bu heyvanlar təsərrüfat rəhbərləri tərəfindən böyük həvəslə alınır.
Samux rayon ərazi kənd təsərrüfatı idarəsinin rəisi Ziyad Abbasov demişdir ki, hələlik Samux və Göygöl rayonlarında fəaliyyət göstərən fermerlərə 12 ədəd damazlıq heyvan verilmişdir. Yaxın aylarda ölkəyə gətiriləcək 800 baş cins inəkdən daha 18-nin bu rayonlara verilməsi nəzərdə tutulmuşdur.
Bölmənin digər xəbərləri
