FİDE-NİN ŞAHMAT ÜZRƏ DÜNYA ÇEMPİONU BUNDAN SONRA “QƏZZAFİNİN QIZIL KUBOKU”NU ALACAQ

04.03.2004 [16:03]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Beynəlxalq Şahmat Federasiyasının (FİDE) prezidenti Kirsan İlyumjinov Moskvada mətbuat konfransında bildirmişdir ki, şahmatçıların dünya birinciliyinin – FİDE-nin nokaut sistemi üzrə çempionatının qalibi məhz belə kuboka layiq görüləcəkdir. Liviya rəhbəri Müəmmər Qəzzafi ilə bu barədə razılıq əldə edilmişdir.

K.İlyumjinov demişdir ki, növbəti dünya çempionatı iyunun axırlarında Liviyanın paytaxtı Tripolidə başlanacaqdır. Mükafat fondu 2,2 milyon dollardır. Birincilikdə 128 şahmatçı yarışacaqdır. İlk rəmzi gedişləri Qəzzafi, İtaliyanın Baş naziri Silvio Berluskoni və buddaçıların dini lideri Dalay-lama edəcəklər.

FİDE-nin rəhbəri həmçinin bildirmişdir ki, sabiq dünya çempionu H.Kasparov bu birinciliyin qalibi ilə Hanoyda görüş keçirməyə razıdır. Mükafat fondu 2 milyon dollar olacaq bu görüşü keçirməyi Vyetnamın Baş naziri təklif etmişdir. Gələn ilin yanvar-fevral aylarına planlaşdırılan bu görüşün qalibi Vladimir Kramnik (Rusiya) ilə Peter Leko (Macarıstan) arasında yarışın qalibi ilə yazda “birləşdirilmiş” dünya çempionu adı uğrunda mübarizə aparacaqdır.

FİDE-NİN ŞAHMAT ÜZRƏ DÜNYA ÇEMPİONU BUNDAN SONRA “QƏZZAFİNİN QIZIL KUBOKU”NU ALACAQ

MÜƏLLİFLƏ ƏLAQƏ

Bölmənin digər xəbərləri