FIFA-nın I kateqoriyasına yüksələn azərbaycanlı hakim: Ölkəmizi layiqincə təmsil etməyə çalışacağam
Bakı, 23 dekabr, AZƏRTAC
“Ölkəmizi FIFA-nın l kateqoriya hakimləri arasında təmsil edəcəyimə görə qürur duyuram”.
Bu sözləri AZƏRTAC-a açıqlamasında FIFA-nın I kateqoriyasına yüksələn Azərbaycanın beynəlxalq dərəcəli hakimi Elçin Məsiyev deyib.
33 yaşlı referi bildirib ki, bu, onun məsuliyyətini daha da artırır: “Beynəlxalq arenada ölkəmizi layiqincə təmsil etməyə çalışacağam. AFFA-ya, eləcə də Hakimlər Komitəsinə mənə hər zaman dəstək olduqları üçün təşəkkür edirəm”.
Qeyd edək ki, daha əvvəl Əliyar Ağayev bu kateqoriyaya yüksəlmişdi. Bununla Azərbaycan futbol tarixində ilk dəfə iki hakimimiz I kateqoriyada olacaq. Digər FIFA referisi Kamal Umudlu isə II kateqoriyanı daşımaqda davam edəcək.
Bölmənin digər xəbərləri
