FIFA səudiyyəli arbitri dünya çempionatında işdən kənarlaşdırıb
Bakı, 31 may, AZƏRTAC
Səudiyyə Ərəbistanından olan referi Fahad əl-Mirdasi futbol üzrə dünya çempionatında işdən kənarlaşdırılıb.
AZƏRTAC FIFA-nın rəsmi saytına istinadla bildirir ki, 32 yaşlı arbitr iki həftə əvvəl Səudiyyə Ərəbistanı Futbol Federasiyası tərəfindən rüşvətxorluqda təqsirləndirilib.
FIFA-nın Hakimlər Komitəsi bildirib ki, əl-Mirdasi daha dünya çempionatında işləmək tələblərinə cavab vermir.
Əl-Mirdasi ilə bərabər, onun iki assistenti də işdən kənarlaşdırılıb. FIFA arbitrə bilavasitə əvəz axtarmayacaq.
Bunun müqabilində hakimin iki köməkçisi - Həsən Əl-Məhri (BƏƏ) və Xiroşi Yamauçi arbitrlər müvafiq olaraq Məhəmməd Abdullanın (BƏƏ) və Rüici Satonun (Yaponiya) arbitr briqadalarına daxil olacaqlar.
Bölmənin digər xəbərləri
