Filippində yol qəzası nəticəsində 1 nəfər ölüb, 13 nəfər yaralanıb
Bakı, 17 yanvar, AZƏRTAC
Filippinin şimalındakı İlokos Norte əyalətində “Pikap” tipli avtomobil və sərnişin avtobusunun toqquşması nəticəsində 1 nəfər ölüb, 13 nəfər yaralanıb.
AZƏRTAC xəbər verir ki, bununla bağlı Filippinin informasiya agentliyi olan PNA məlumat yayıb. Bildirilib ki, “Pikap” ötmə əməliyyatı zamanı qarşı zolaqdan gələn avtobusla toqquşub və qəza nəticəsində hər iki nəqliyyat vasitəsi yararsız hala düşüb.
Təcili yardım briqadası yaralıları dərhal yerli xəstəxanaya çatdırıb.
Polis hadisə ilə bağlı araşdırmalara başlayıb.
Bölmənin digər xəbərləri
