Finlandiya Ukraynanı müasir müdafiə sənayesi məhsulları ilə təchiz edir
Bakı, 10 iyun, AZƏRTAC
Finlandiya hərbi yardım çərçivəsində Ukraynanı müdafiə sənayesinin ən son modelləri ilə təchiz edir.
AZƏRTAC xəbər verir ki, Finlandiya Müdafiə Nazirliyinin hərbi iqtisadiyyat şöbəsinin rəisi general-leytenant Mikko Heyskanen bu barədə STT agentliyinə müsahibəsində deyib.
Helsinki Ukraynaya hərbi yardım paketlərinin tərkibini açıqlamasa da, Mikko Heyskanen Ukraynaya artıq silahlanmada olan hərbi texnika ilə yanaşı, müdafiə sənayesinin ən son yeniliklərinin də ixrac edildiyini bildirib.
Qeyd edək ki, Finlandiya 2022-ci ilin fevralından bəri Ukraynaya ümumi dəyəri 2 milyard avroya çatan 23 hərbi yardım paketi ayırıb.
Bölmənin digər xəbərləri
