Finlandiyada çağırışçılara düşmən dronlarından gizlənməyi öyrətməyə başlayıblar
Bakı, 2 dekabr, AZƏRTAC
Rusiya-Ukrayna müharibəsində döyüş əməliyyatlarında dronların geniş istifadəsi səbəbindən Finlandiyada çağırışçıların təliminə bəzi düzəlişlər edilib.
AZERTAC yerli mətbuata istinadən xəbər verir ki, finlandiyalı əsgərlərə mövqelərini kəşfiyyat dronları üçün daha az görünən və daha yaxşı müdafiə olunan sığınacaqlarda gecələməyi öyrətməyə başlayıblar.
Bundan əvvəl gecəlik sığınacaq qazmaq üçün əsasən kəşfiyyat qruplarına təlim keçilirdi. İndi isə bu, təmas xəttinə kifayət qədər yaxın yerləşən hər kəsə öyrədilir.
Bildirilib ki, çadırların əsas çatışmazlığı onların termal görüntüləmə cihazlarında parıldaması və yerlərinin tez bir zamanda aşkar edilməsidir.
Bölmənin digər xəbərləri
