İDMAN
Firdovsi Umudov: Dünya çempionatında yüksək nəticələr qazanmaq üçün var gücümüzlə mübarizə aparacağıq
Bakı, 27 oktyabr, AZƏRTAC
Azərbaycan dünyada idman ölkəsi kimi tanınır. Bunun bariz nümunəsi olaraq ölkəmiz hərbçilər arasında güləş üzrə 36-cı dünya çempionatına ev sahibliyi edəcək.
AZƏRTAC xəbər verir ki, bu sözləri “Sərhədçi” Peşəkar İdman Klubunun prezidenti Firdovsi Umudov hərbçilər arasında keçiriləcək güləş üzrə 36-cı dünya çempionatı ilə əlaqədar təşkil olunan mətbuat konfransında bildirib.
F.Umudov Prezident İlham Əliyevin və Birinci vitse-prezident Mehriban xanım Əliyevanın Azərbaycanda idmana və idmançılara yüksək diqqət və qayğı göstərdiyini vurğulayaraq deyib: “Əlimizdən gəldiyi qədər çalışacağıq ki, bizə göstərilən etimadı doğruldaq və bu yarışlarda yüksək nəticə əldə edək. Dünya çempionatına hazırlıq işləri yüksək səviyyədə davam etdirilir”.