İDMAN
Formula 1 Almaniya Qran-Prisi təqvimə qayıdır
Bakı, 22 may, AZƏRTAC
İyulda Almaniya Qran-Prisi Formula 1 yarışlarının təqviminə qayıdacaq. AZƏRTAC xəbər verir ki, yürüş Hokkenhaymda keçiriləcək. Bu avtodromun növbəti mövsüm üçün hələlik müqaviləsi yoxdur. Amma çempionatın icraçı direktoru Çeyz Kerri alternativ tapmağa hazırdır.
Ç.Kerri deyib: “Biz istəyirik ki, Formula 1 ənənəvi yürüşün təqvimində qalsın. Almaniya Formula 1 üçün əhəmiyyətlidir. Bu ölkənin inkişaf etmiş avtomobil sənayesi və yürüş ənənələri var. Biz Berlin şəhərinin trasında mərhələ yarışı təşkil etməyə açığıq. Əgər şəhərdə bunu istəyirlərsə, biz onlarla danışıqlar aparmağa hazırıq”.
Berlində Formula E mərhələsi keçirilir, amma Ç.Kerri bunda rəqabət görmür. O deyib: “Formula 1 qəhrəmanlar, dram və emosiyalar deməkdir. Formula E isə küçə ziyafətinə daha çox bənzəyir”.