Fransa-Norveç və Seneqal-İraq matçlarının ən yaxşı oyunçuları müəyyənləşib
Bakı, 27 iyun, AZƏRTAC
ABŞ-də keçirilən futbol üzrə dünya çempionatında I qrupun III turunun görüşlərindən sonra oyunların ən yaxşı futbolçuları açıqlanıb.
AZƏRTAC xəbər verir ki, Norveç və Fransa yığmaları arasında Boston stadionunda baş tutan və fransızların 4:1 hesablı qələbəsi ilə yekunlaşan matçın ən yaxşı oyunçusu Fransa millisinin hücumçusu Usman Dembele seçilib. Futbolçu qarşılaşmada het-triklə yadda qalıb.
Digər oyunda isə Toronto stadionunda keçirilən Seneqal-İraq görüşünün ən yaxşı futbolçusu Afrika təmsilçisinin yarımmüdafiəçisi Pap Qeye olub. O, komandasının 5:0 hesablı qələbəsində iki qol vurmaqla fərqlənib.
Bölmənin digər xəbərləri
