Fransa Prezidenti “S siyahısındakı” bütün şəxsləri yoxlamağı tələb edib
Bakı, 16 oktyabr, AZƏRTAC
Fransa Prezidenti Emmanuel Makron hüquq-mühafizə orqanlarından ölkənin təhlükəsizliyinə təhdid yaradan şəxslərin daxil edildiyi “S siyahısındakı” bütün insanların yoxlanılmasını tələb edib.
AZƏRTAC xəbər verir ki, France-Presse agentliyi bu barədə Yelisey sarayına istinadla məlumat yayıb.
Dövlət başçısı, həmçinin daxili işlər naziri Jerald Darmanenə “16-25 yaş arası qafqazlı gənclərə xüsusi yanaşma” hazırlamağı və onların mümkün deportasiyası məsələsini Rusiya konsulluğu ilə müzakirə etməyi tapşırıb.
Bu tələb bir müddət öncə ölkənin şimalındakı Arras kommunasında ədəbiyyat müəlliminin xüsusi xidmət orqanlarının qeydiyyatında olan 20 yaşlı inquşetiyalı tərəfindən qətlə yetirilməsi ilə bağlıdır. Gəncin atası 2018-ci ildə ölkədən deportasiya edilib, böyük qardaşı isə Yelisey sarayına planlaşdırılan hücuma görə həbs olunub. İnquşetiyalı ailə 2014-cü ildə Rusiyaya deportasiya edilməli olsa da, mühacir hüquqlarını müdafiə edən birliklərin səyi nəticəsində ölkədə qalıb.
Bölmənin digər xəbərləri
