FTB: Tramp sui-qəsd cəhdinin hədəfi olub
Vaşinqton, 16 sentyabr, AZƏRTAC
ABŞ-ın keçmiş prezidenti, Respublikaçılar Partiyasından prezidentliyə namizəd Donald Tramp Floridada qolf klubu yaxınlığında sui-qəsdə cəhdin hədəfi olub.
AZƏRTAC-ın məlumatına görə, bu barədə ABŞ Federal Təhqiqatlar Bürosu (FTB) məlumat yayıb.
Qolf klubuna doğru atəş açan Rayan Uesli Raut saxlanılıb. FTB hadisənin motivinin aşkar edilməsi istiqamətində araşdırma aparır. Tramp komandası onun sağ və təhlükəsiz olduğunu açıqlayıb.
Qeyd edək ki, Trampın Floridada yerləşən qolf klubu yaxınlığında atışma baş verib. Atəş zamanı Donalt Tramp klubda olub. Bu son 2 ayda Trampa qarşı ikinci sui-qəsd cəhdidir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
