Futbol üzrə U-11 qızlar liqasının qalibləri mükafatlandırılıb
Bakı, 10 may, AZƏRTAC
AFFA-nın dəstəyi ilə 2016-2017-ci il mövsümündə “Məktəblərdə futbol dərsi” layihəsində iştirak edən şagirdlər üçün (2005, 2006 və 3 nəfər 2004-cü il təvəllüdlü) futbol üzrə U-11 qızlar liqası təşkil olunub.
AZƏRTAC xəbər verir ki, 12 komandanın iştirak etdiyi liqa dairəvi sistem üzrə keçirilib. Mayın 10-da liqanın qalibləri 141 nömrəli orta məktəbin akt zalında mükafatlandırılıb. İştirakçılara liqa barədə ətraflı məlumat verilib, videoçarx nümayiş etdirilib.
Yarışda “Rəvan” (141 nömrəli orta məktəbin komandası) birinci, “Zığ” (201 nömrəli orta məktəb komandası) ikinci, “Gömrükçü” (236 nömrəli orta məktəbin komandası) isə üçün olub.
Liqanın ən yaxşı oyunçusu Zəhra Piriyeva (“Fidan”), ən məhsuldar oyunçusu isə Safura Xəlilova (“Rəvan”) olub.
Bölmənin digər xəbərləri
