Futbolçumuz Amit Quluzadə Kosovo çempionu olub
Bakı, 22 may, AZƏRTAC
Azərbaycan futbolçusu Amit Quluzadə “Drita” klubunun heyətində Kosovo çempionu olub.
AZƏRTAC xəbər verir ki, Kosovo çempionatının sonuncu turunda Amit Quluzadənin formasını geyindiyi “Drita” “Priştina” klubu ilə qarşılaşıb. Futbolçumuzun komandasına əsas izləyicisi ilə görüşdə çempionluğu təmin etmək üçün heç-heçə də kifayət edib. Qarşılaşmada hesab açılmayıb.
Bu nəticə ilə xallarının sayını 67-yə çatdıran “Drita” ölkə çempionu olub. “Priştina” isə 64 xalla ikinci pilləni tutub.
Qeyd edək ki, A.Quluzadə Kosovo klubuna azad agent statusunda cari ilin yanvarında keçib. Bundan qabaq həmyerlimiz Portuqaliyanın “Atletiko” klubunda çıxış edib.
Bölmənin digər xəbərləri
