GƏNC AİLƏNİN SOSİAL MÜDAFİƏSİNƏ DAİR QANUN LAYİHƏSİNİN HAZIRLANACAĞI GÖZLƏNİLİR
Onun sözlərinə görə, yeni qurulmuş ailənin sonrakı mərhələləri barədə çox danışılır, müvafiq tədbirlər görülür. Məsələn, yetim uşaqlar, onların müdafiəsi, ümumiyyətlə uşaqların problemləri və sair. Bəs, bu problemlər haradan yaranır? Əlbəttə, ailə problemsiz olsa, doğulan uşağın da problemi olmayacaqdır. Ona görə də bünövrədən, gənc ailənin sosial müdafiəsinin təmin edilməsindən başlamaq lazımdır. Statistik rəqəmlər göstərir ki, bu sahədə mövcud çətinliklər mənfi nəticələrə gətirib çıxarır. Belə ki, ölkəmizdə 1992-2002-ci illərdə nikahların sayı, habelə təbii artım təxminən iki dəfə azalmışdır. Həmin müddətdə qeyri-qanuni nikahda olan qadınların sayı iki dəfə, nikah bağlayanların orta yaşı 4-5 il artmışdır. Bu, həyəcan siqnalı olmalıdır.
H.Rəcəbli demişdir ki, gənc ailələrlə bağlı ilkin materialları öyrəndikdən, mütəxəssislərlə fikir mübadiləsi apardıqdan sonra komissiyanın iclaslarından birində həmin məsələ ətraflı müzakirə olunacaq və inanıram ki, müvafiq qanun layihəsi hazırlaya biləcəyik.
Bölmənin digər xəbərləri
