Gənc cüdoçularımız Polşada Avropa kuboku yarışında mübarizə aparırlar
Bakı, 23 aprel, AZƏRTAC
Bu gün Azərbaycanın gənc cüdoçuları Polşanın Poznan şəhərində start götürən Avropa kuboku yarışında mübarizə aparırlar.
AZƏRTAC xəbər verir ki, turnirdə oğlanlardan Nicat Şirinov, Murad Əliyev (60 kq), Eltac Yusifli, Xudabaxış Əliyev, Vaqif Tarverdiyev (66 kq), Qədir Hüseynov, Çingiz Fəttahov, Vüsal Qələndərzadə, Nahid İsmayılov (73 kq), Məhərrəm İmamverdiyev, Ömər Rəcəbli, Murad Əlizadə (81 kq), Əjdər Bağırov, Vüqar Talıbov (90 kq), Rəsul Aydəmirov, Atabala Niftəliyev (100 kq), Səid Orucov (+100 kq) ölkəmizi təmsil edir. Qızların yarışında isə Könül Əliyeva (48 kq), Zeynəb Məmmədova (52 kq), Lətifə Abbasova, Səbinə Əliyeva (57 kq) və Aytac Qardaşxanlı (63 kq) qüvvələrini sınayırlar.
İki gün davam edəcək turnirdə 17 ölkədən 287 idmançı yarışır.
Bölmənin digər xəbərləri
