Gənc Tamaşaçılar Teatrı növbəti səfərində “Tıq-tıq xanım” tamaşası ilə çıxış edəcək
Bakı, 18 aprel, AZƏRTAC
Doxsan illik yubileyini qeyd etməyə hazırlaşan Azərbaycan Dövlət Gənc Tamaşaçılar Teatrı növbəti səfərə hazırlaşır.
Teatrdan AZƏRTAC-a bildiriblər ki, teatrın kollektivi mayın 1-dən 6-dək Rusiyanın Şimali Osetiya-Alaniya Respublikasının Vladiqafqaz şəhərində fəaliyyət göstərən Akademik Milli Dövlət Dram Teatrının qonağı olacaq və “Tıq-tıq xanım” tamaşası ilə teatrın səhnəsində çıxış edəcək.
Öz növbəsində Vladiqafqaz Dövlət Akademik Milli Dram Teatrı Bakıda keçiriləcək III Beynəlxalq Şəki Teatr Festivalı çərçivəsində mayın 18-21-də Azərbaycan Dövlət Gənc Tamaşaçılar Teatrının qonağı olacaq. Teatrın kollektivi “Vova möcüzələr ölkəsində” tamaşasını Gənc Tamaşaçılar Teatrının səhnəsində nümayiş etdirəcək.
Bölmənin digər xəbərləri
