Gəncədə atmosferi çirkləndirən avtomaşınların istismarı dayandırılır
Gəncə, 29 avqust (AZƏRTAC). Xəbər verdiyimiz kimi, respublika ərazisində atmosferi çirkləndirən nəqliyyat vasitələrinin sürücülərinə qarşı mübarizə tədbirləri çərçivəsində Gəncə şəhərində də reydlərə başlanılmışdır.
AZƏRTAC xəbər verir ki, Gəncə Şəhər Dövlət Yol Polisi İdarəsinin əməkdaşları “Təmiz hava aylığı” çərçivəsində keçirdikləri reydlər zamanı 10-dan artıq avtomobilin istismarını dayandırmışlar.
Ekologiya və Təbii Sərvətlər Nazirliyinin yerli şöbəsi ilə birgə təşkil olunmuş reydlər zamanı xüsusi cihazla avtomobillərin mühərrikindən çıxan işlənmiş qazların miqdarının normaya uyğun olub-olmaması yoxlanılır.
Reydlər avqustun 31-dək davam edəcəkdir.
Bölmənin digər xəbərləri
