GƏNCƏDƏ CAVAD XANIN MƏZARI ÜSTÜNDƏ UCALDILAN MƏQBƏRƏNİN AÇILIŞI OLMUŞDUR
AZƏRTAC-ın müxbiri xəbər verir ki, bu münasibətlə keçirilən mərasimdə çıxış edənlər məqbərənin tikintisini Cavad xanın xatirəsinin əbədiləşdirilməsinə doğru atılan ilk addım kimi qiymətləndirmiş və bunun ölkəmizin Prezidenti İlham Əliyevin Gəncəyə səfəri zamanı verdiyi məsləhət və tövsiyələrdən sonra reallaşdığını qeyd etmişlər.
Qədim Aran Memarlıq məktəbinə xas üslubda tikilən məqbərə ilə yanaşı, Şah Abbas məscidi və XVIII əsr Çökək hamam abidə komplekslərində də tamamlama işləri görülür. Cavad xanın qəbrinin yanında isə Gəncə xanlığının bayrağının 2003-cü ildə bərpa edilmiş variantının sürəti qoyulmuşdur. Şəhər icra hakimiyyətindən bildirmişlər ki, bayrağı yenisi ilə əvəz etmək üçün Şəki ipək kombinatına sifariş verilmişdir.
Bölmənin digər xəbərləri
