GƏNCLƏRİN TƏHSİLİNƏ BÖYÜK DİQQƏT GÖSTƏRİLİR
AZƏRTAC xəbər verir ki, Azərbaycan Respublikasının Prezidenti yanında Dövlət İdarəçilik Akademiyasında (DİA) bu ali məktəbə 2008-2009-cu tədris ilində qəbul olunmuş tələbələrlə görüş keçirilmişdir.
DİA-nın rektoru, əməkdar elm xadimi, professor Seyfəddin Qəndilov çıxış edərək, ümummilli liderimiz, dünya şöhrətli siyasi xadim Heydər Əliyevin diqqət və qayğısı ilə yaradılmış Dövlət İdarəçilik Akademiyasının idarəçilik sahəsində bacarıqlı kadrların hazırlanmasında mühüm rolu olduğunu söyləmişdir. Ölkəmizdə gənclərə və onların təhsilinə böyük diqqət göstərildiyini qeyd edən rektor, bu il ali məktəblərə keçirilən test qəbul imtahanlarında yüksək bal toplayaraq DİA-ya qəbul olunan tələbələri təbrik etmişdir. Bildirilmişdir ki, həmin gənclərin 25 nəfəri Prezident təqaüdünə layiq görülmüşdür.
Çıxış edən birinci kurs tələbələri onların təhsilinə göstərilən qayğıya görə minnətdarlıqlarını bildirmişlər.
Bölmənin digər xəbərləri
