GİMNASTLARIMIZ “FƏCR” KUBOKU UĞRUNDA BEYNƏLXALQ YARIŞLARDA 8-Cİ YERİ TUTMUŞLAR

01.03.2004 [19:23]
Çap et
A⁺ A^-

Azərbaycanın idman gimnastikası komandası Tehranda başa çatan “Fəcr” Kuboku uğrunda beynəlxalq turnirdə 8-ci yeri tutmuşdur. Ölkəmizi bu ənənəvi yarışlarda Teymur Şahlamazov, Faiq Qasımov, Şakir Şıxaliyev və Fərid Ağazadə təmsil edirdilər. Respublika Gimnastika Federasiyasından AZƏRTAC-ın müxbirinə bildirmişlər ki, komanda yoldaşlarından daha yaxşı çıxış edən T. Şahlamazov çoxnövçülükdə 35.15 bal toplayaraq, 52 iştirakçı arasında 31-ci yeri tutmuşdur.

Federasiyanın baş katibi Çingiz Şamilovun sözlərinə görə, hazırda ölkəmizdə idman gimnastikası inkişaf mərhələsindədir və onun fəaliyyətinin başlıca istiqaməti 2008-ci və 2012-ci illərin Olimpiya oyunlarına hazırlıqdır.

Xatırladaq ki, 11 ölkə gimnastlarının iştirak etdiyi Tehran turnirində ən yaxşı nəticəni Özbəkistan və İran idmançıları göstərmişlər.

Gimnastlarımızın iştirak edəcəkləri növbəti turnirdə - “Bosfor” Kuboku uğrunda ənənəvi beynəlxalq yarışda ölkəmiz iki idmançı ilə təmsil olunacaqdır.

GİMNASTLARIMIZ “FƏCR” KUBOKU UĞRUNDA BEYNƏLXALQ YARIŞLARDA 8-Cİ YERİ TUTMUŞLAR

MÜƏLLİFLƏ ƏLAQƏ

Bölmənin digər xəbərləri