Giorgi Qaxaria: Gürcüstanda seçkilərə hazırlıq prosesi yüksək standartlara uyğun şəkildə gedir
Tbilisi, 21 avqust, AZƏRTAC
Qlobal koronavirus pandemiyası və iqtisadi böhran davam edir. Bununla paralel olaraq, Gürcüstanda parlament seçkilərinə hazırlıq gedir. Biz seçkiləri yüksək səviyyədə keçirməkdə israrlıyıq.
AZƏRTAC xəbər verir ki, bu sözləri Gürcüstanın Baş Naziri Giorgi Qaxaria söyləyib.
Onun sözlərinə görə, koronavirus pandemiyasına baxmayaraq, Gürcüstanda seçkilərə hazırlıq prosesi yüksək standartlara uyğun şəkildə gedir.
Baş Nazir deyib ki, oktyabrın 31-nə təyin olunmuş parlament seçkilərini yüksək səviyyədə, azad, şəffaf və demokratik keçirmək hökumətin əsas vəzifəsidir.
O, pandemiya dövründə insanlara, xüsusən də ehtiyacı olan aztəminatlı ailələrə yardımların göstərilməsinin seçkilərlə heç bir əlaqəsinin olmadığını bildirib.
“İnsanların sağlamlığı bizim üçün ən vacib məsələdir və biz bunu diqqətdən kənar qoya bilmərik”, - deyə Qaxaria vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
