Goranboyda taxıl biçini davam edir
Goranboy, 17 iyun, Rauf Hacıyev, AZƏRTAC
İqtisadiyyatının əsasını mütəlif kənd təsərrüfatı məhsullarının istehsalı təşkil edən Goranboy rayonunda cari məhsul ilində 23739 hektar sahədə taxıl, o cümlədən 8771 hektar buğda, 13755 hektar arpa və 1213 hektar xəsil əkilib. Hazırda rayonda taxıl biçini davam etdirilir.
AZƏRTAC-ın bölgə müxbiri xəbər verir ki, biçinə 120-dən artıq kombayn, 250-dək yük maşını və traktor, baş verə biləcək yanğın təhlükəsinin qarşısının dərhal alınması məqsədi ilə 40-a yaxın şum traktoru cəlb olunub.
İyunun 16-na olan məlumata əsasən, rayon üzrə 192 hektardan 629 ton buğda, 8586 hektardan 27496 ton arpa biçilib.
Buğda sahələrində orta məhsuldarlıq 33,5 sentner, arpa sahələrində isə 32 sentner təşkil edib.
Bölmənin digər xəbərləri
