Göyçayda nar bağlarından 38 min tondan çox məhsul götürülüb
Göyçay, 13 yanvar, AZƏRTAC
Göyçayda təsərrüfatın digər sahələri ilə yanaşı, bağçılığın inkişafına da xüsusi diqqət yetirilir. Bunun sayəsində də rayonda hər il yeni-yeni bağçılıq təsərrüfatları yaradılır, meyvə istehsalı artır.
Rayon icra hakimiyyətindən AZƏRTAC-ın bölgə müxbirinə bildirilib ki, təsərrüfatın bu sahəsi ilə məşğul olan fermerlər hər il meyvə bağlarından 100 tonlarla məhsul istehsal edərək bazarlara göndərirlər. Göyçayda həyətyanı sahələrlə birlikdə hazırda 6709,1 hektar meyvə bağı vardır və bunun yarıdan çoxunun -3671,4 hektarı nar bağlarıdır. Cari təsərrüfat ilində bağbanlar təkcə nar bağlarından 38001,1 ton məhsul toplayaraq bazarlara göndəriblər. Hər hektarın məhsuldarlığı 112,7 sentner olub.
Bölmənin digər xəbərləri
